Nýir orkugjafar. Þetta er allt að koma.

Mercedes Bens hefur nú þróað batterí sem knýr bifreið á fimmta hundrað kílómetra á einni hleðslu.Þetta eru merkileg tíðindi.

Ég segi enn og aftur að ég trúi ekki öðru en það takist að stækka og þróa rými í endurhlaðanlegum rafgeymum í bílum.  Við sjáum bara hver þróunin hefur orðið með liþíum batterí í t.d. símum og hve öflug mörg rafmagnsverkfæri eru orðin á hleðslurafhlöðum.

Fyrrgreind vegalengd ætti að duga flestum sem keyra til og frá vinnu á þéttbýlisstöðum.   Takist þetta og komi þessir bílar í almenna sölu á næstu árum verðum við Íslendingar lukkunnar pamfílar.

Keyrt á hljóðlausum, mengunarlausum bílum.   Síðan setjum við þá í hleðslu meðan við hrjótum á nóttunni. ! Rafmagnið framleitt með mengunarlausri orku úr vatnsafls og jarðgufuvirkjunum.   Tær snilld.  Segið svo að olíuokrið sé allt til ills.

Hitt er jafn ljóst að ef spár ganga eftir og olían verður bara dýrari á næstu árum þá eru erfiðir tímar framundan.   Við þyngri notkun og aflkeyrslu þarf nefnilega áfram öflugt eldsneyti.  Hvaðan sem það kemur.  (olía, biodiesel, vetni,eða eitthvað spánýtt ?.)