Bil kynslóðanna.

Mikið svakalega hólfast nútímasamfélagið meir og meir.

Þessi fullyrðing sannar hverslags "karlanöldurs" aldur maður er kominn á , jæja það verður að hafa það.

Allt er hólfað.   Viss aldur hlustar á FM 957. Viss aldur hlustar á Rás 1.  Viss aldur hlustar á Rás 2 um miðjan daginn.  Viss aldur býr í íbúðum aldraðra.  Viss aldur er geymdur í leikskóla.  Viss aldur horfir á Skjá einn.    Viss aldur stundar bíóhúsin.  Viss aldur djammar á vissum börum.

Svona "hólfun" er samt enn verri í þéttbýli.  Því meiri sem samfélögin eru stærri.  Ég tel þetta ekki hollt til lengdar.  Elur á vissri rörasýn fólks og jafnvel einangrun, t.d. hjá sumum eldri borgurum.  Það þarf að hrista þessa hópa saman eins og hægt er.

Get bent á eina samveru.    Hjónaskemmtun Gaulverja sem fram fer á þorranum.  Þar hefur í rúma sex áratugi allur aldur getað skemmt sér saman.  Bólugrafnir unglingar til rígfullorðinna heldri borgara  Og gera enn. Kynslóðabilið sem betur fer ekki verið fundið upp ennþá.