Bændur saman.

 Það var kannski ekki alveg sami hugur og bjartsýni í fulltrúum íslenskar kúabænda á aðalfundinum á Selfossi nú um helgina og hefur verið síðustu ár.   Í raun hafa orðið ótrúlegar breytingar á umhverfinu bara nú á nokkrum mánuðum.

Fulltrúum bænda var samt létt að leiðrétting á verði okkar framleiðsluvara náðist loksins nú 1. apríl.  Hitt er svo annað mál að það getur því miður orðið skammgóður vermir ef við siglum inn í sívaxandi verðbólgu og víxlhækkanir.

Á laugardagskvöldinu var síðan árshátíð okkar kúabænda haldin á Hótel Selfoss.   Þar sáu Sunnlendingar  um að skemmta fjallhressum bændum allsstaðar að af landinu.    Sagnameistarinn Þór Vigfússon.  Stöku og dægur ferskeytlu snillingurinn Sigurjón Jónsson frá Skollagróf ásamt Guðbirni Ingvarssyni frá Markaskarði sem hermdi eftir núgangandi og gengnum í stíl og töktum.  Hvor í sínu lagi á sinn hátt, en eftirminnilega. 

Veislunni stýrði Hjörtur Benediksson úr Hveragerði.   Gestir voru vel á þriðja hundrað en manni sýndist að Sunnlendingar væru í minnihluta svo skrýtið sem það nú er.

Við Ómar í Lambhaga á Rangárvöllum og Sigrún í Bollakoti í Fljótshlíð vorum þrjú í nefnd og  fór satt að segja mikill tími í þetta síðustu daga. Einnig sá ég um skipuleggja óvissuferð maka fulltrúa á aðalfundinum.  Fóru m.a. í þrjú  fjós og eitt loðdýrahús en engin var samt fjósalyktin af þeim ,enda önnur starfsemi í gangi núna. 

Athugasemdir

[Benedikta S Steingrímsdóttir, 6.4.2008 kl. 21:45]

Blessaður. Guðbjörn er Ingvarsson en ekki Jónsson. Kveðja.

[P.Valdimar Guðjónsson, 7.4.2008 kl. 13:00]

Alveg rétt. Átti að vita þetta. Búinn að leiðrétta.

Takk.