Vetur

Jæja það er loksins almennilegt samband.   Hljómar eflaust sem hálfgert landsbyggðarvæl hjá þeim sem hafa sitt adsl á tæru og engin vandamál.

En svona er að búa við þráðlaust net og þráðlausa móttöku uppi á þaki.   Þetta var mikil himnasending fyrir Símann.  Þeir hafa engan áhuga á svona tækni, en þeir losnuðu við að leggja í ákveðinn kostnað við að koma dreyfbýlinu inn í nútímann hvað þetta varðar. Í bili allavega.   

Þetta getur virkað ágætlega,en er afskaplega misjafnt að gæðum og hraða, eiginlega bara eftir því hvaða tíma sólahringsins þetta er notað.

Set hér inn nokkrar vetrarmyndir.   Aðallega fyrir hana Margréti dóttur mína.   Hún hefur verið í spænskunámi í Sevilla á Spáni nú eftir áramótin.    Segist nánast hætt að geta ímyndað sér snjó!    Já, svona eru Íslendingar fljótir að aðlagast aðstæðum í sól og hita. En svona vetrarblóm verða að duga í sífreranum um sinn.