Utangátta hjá "Hive".

Við höfum verið sambandslaus undanfarið við Netið fræga.

Fyritækið "Hive" er búið að koma sér vel fyrir.  Erum tengd gegnum það fyrirtæki með þráðlausum móttakara frá dreifistöðvum hér í kring.    Eitthvað gerðist í síðasta roki, en  allt hefur verið meira og minna óvirkt nú í tæpar þrjár vikur.  (Þó allt virðist í lagi upp á þaki)    Ekki hef ég tölu á hvað ég hef kvartað oft og óskað eftir viðgerð, en ekki tekist enn. Þetta dettur inn með höppum og glöppum og allt í lágadrifinu.  Samt alltaf lofað öllu fögru.

Óskaði eftir ADSL tengingu hjá Símanum í staðinn.   Nei því miður ,ekki hægt á þínu svæði.!   Einmitt.  Þessvegna geta þeir "Hive" ... uðu  hagað sér eins og þeir vilja.  Enginn annar í samkeppni.

Þannig er nú staðan hér á blogginu sem  hefur náttúrlega verið utan sambands eins og margt annað.  Bankinn, tölvupósturinn, skatturinn (staðgreiðslan), fjölmiðlarnir, msn hjá unglingnum og hvað þetta heitir nú allt saman.   Það er býsna margt þarna inni.   Í raun er þetta eins og að missa símasamband eins og staðan er orðin.  Svona er þetta.  Sést best þegar það vantar. 

Þessi færsla er því færð í þjónustufyrirtæki á Selfossi.

 

Athugasemdir

[Kristján Eldjárn Þorgeirsson, 23.2.2008 kl. 11:21]

Sæll Valdimar!

Þetta er slæmt á tækniöld að það skuli ekki vera hægt að hafa örugga nettengingu í sveitum landsins.  Þarna finnst mér að stjórnmálamennirnir okkar eigi að koma að og leggja til fjármagn til þess að hægt sé að koma þessu í kring.  Vonandi að svo verði áður en lagnt um líður.  Eins og þú bendir réttilega á þá er netið notað í svo margt í dag, t.d. í skattskil o.þ.h. svo eitthvað sé nefnt. 

Kveðja góð!