Skyldi þeim hafa þótt þetta leitt?

 

Það á að rassskella á almannafæri fólk sem fer á Langjökul með fjöskyldur sínar og spáin er rok og aftakaveður.

Björgunarsveitir brutust þessa leið í fárviðri. Ekki þeim ellefumenningum að þakka að þeir lentu ekki í háska bara við að brjótast til þeirra.

Ekki orð um þakkir til leitarfólks.  Ekki heldur að þeim hafi þótt þetta leitt.  Jú, þau ætluðu bara að kikja í dagsferð á stóru dekkjunum sínum.  Vippa sér síðan niður í byggð áður en vonda veðrið skylli á.

Góðan daginn!  Eigum við að ræða það eitthvað frekar?  Er ekki í lagi þarna heima?

  Þetta er auðvitað hægt að ræða svona fjálglega vegna þess að engum varð meint af.  Stundum hefur fólk heppnina með sér sem betur fer.

Athugasemdir

[Kristján Eldjárn Þorgeirsson, 4.1.2008 kl. 00:41]

Ég er í einu og öllu sammála þér Valdimar.  Það á að senda þessu fólki reikninginn fyrir björguninni og boða á námskeið í veðurfræðum og veðurlestri.

Nýárskveðja!