Að gera ekkert - varla valkostur.

 

Enn eitt hræðilegt slys á þessum magnaða, en stórhættulega stað - meirihluta ársins. 

Íslendingar hafa fyrir löngu móttekið skilaboðin um hættuna þarna. Vandamálið er að koma þessu áleiðis til ( hluta) einbeittra erlenda ferðamanna sem virða í engu aðvaranir. 

Hafi landeigendur áfram opið á svæðinu ( erfitt að sporna gegn því á eftirsóttum stað  sem er ofarlega á heimslistum túrista) -  hlýtur að vera framundan verkefni hönnuða og verkfræðinga.    Til dæmis útsýnispallur í ákveðinni nálægð ( eða hæð)  yfir öldunni fyrir þá sem vilja sjá og komast nálægt þeim kröftum sem þarna eru.   Fjaran hreinlega  girt af þar á milli. 

Allt er þetta þó hægara sagt en gert og aðstæður krefjandi. 

Banaslysið við Reynisfjöru: Níu ára stúlka frá Þýskalandi

Athugasemdir

[Grímur Kjartansson, 3.8.2025 kl. 16:06]

Hefur þú reynt að segja erlendum ferðamanni að hann eigi að þvo sér fyrir sundlaugarferð?
Því er ekki vel tekið

[P.Valdimar Guðjónsson, 3.8.2025 kl. 17:49]

Það er nákvæmlega vandamálið þarna Grímur.

Vonandi til ennþá sjóðurinn um bætta aðstöðu við ferðamannastaði. Hægt að sækja fé þangað hefur manni sýnst víða um land.  Sumsstaðar tekist mjög vel.

Lokun eða stýring á þessu svæði er erfið í framkvæmd.  En  þarna duga ekki bara rauð ljós og skilti.  Meira þarf til og væntanlega leita til þeirra sem kunna að hugsa í lausnum.

[Grímur Kjartansson, 4.8.2025 kl. 14:36]

Ég held að útsýnispallur væri ekki svo slæm hugmynd
þangað væri þá fólki beint en vilji það komast nær þá er það á þeirra ábyrgð