Þvílíkir fagmenn.

Mér þykir jarðvísindamenn á Veðurstofu Íslands og sjálfstætt starfandi (kennarar ofl.)  ekki fá það hrós sem þeir eiga skilið.

Aftur ganga útreikningar þeirra og spár - nánast nákvæmlega eftir.    Það er afrek, hvernig sem á það er litið.  Ber vott um mikla fagmennsku.

Innflæði kviku var reiknað meira nú en síðast og allt reyndist það rétt.

Engin veit síðan meira.  Stutt / langt / gos á nýjum stað síðar /  eða annað. Slíkt verður bara að koma í ljós.  

En sem leikmaður sýnist manni að þessi "aftöppun" nokkuð frá byggð sé orðin nauðsyn, ef svo má orða.  Ef ekki mallar upp kvika, þá hleðst bara upp spenna og allt fer að skjálfa, flestum til ama. 

Mælingar staðfesta mun kröftugra gos

Athugasemdir

[Guðmundur Ásgeirsson, 4.8.2022 kl. 18:17]

Bara ef þeir sem stjórna efnahagsmálum væru jafn glöggir...

[Glúmm (IP-tala skráð) 5.8.2022 kl. 03:40]

En það var engu spáð! Að segja eitthvað vera möguleika er ekki spá. Ef ekki hefði gosið hefði enginn talið einhverja spá ekki hafa ræst. Það hefði engum dottið í hug að segja þá hafa spáð gosi. Loðið orðalag um hvað mögulega gæti gerst og hvenær fær þig til að halda að einhverju hafi verið spáð.

Ég er enginn jarðfræðingur og veit lítið um eldfjöll en ég get samt sagt með mikilli vissu að það er ekki útilokað að gjósi í Heklu í næstu viku. Og líkur á gosi í Kötlu aukast með hverjum deginum. Og með svona orðalagi verð ég talinn mikill spámaður ef gýs en ekki talinn hafa spáð neinu ef ekki gýs.

[P.Valdimar Guðjónsson, 5.8.2022 kl. 07:30]

100% vissan í þessu öllu er trúlega ekki til, eða mjög sjaldgæf. Þessvegna eru "líkurnar" orðfæri jarðvísindamannanna. 

Þeir vísuðu á staðinn og eru líka reynslunni rikari en síðast.  En auðvitað er tæknin líka að skila miklu. 

Þeir skiluðu líka upplýsingum um væntanlegt Heklugos fyrir 22 árum. Gallinn var sá að fyrirvarinn var aðeins 10 mínútur !  En nú hafa orðið smá framfarir í því (gerfitungla gps. myndir)  vonandi.