Ekki gild ávísun.

Við hamfara aðstæður sem ríktu frá 10. desember.    Rafmagnsleysi - símasambandsleysi þegar verst lét.     Þá vísar almannaútvarpið RÚV ekki á vef sinn og internet !    Það er ekki í boði fyrir íbúa.

Þess í stað er eina ráðið að rjúfa hefðbundna dagskrá á rás 1 eða rás 2.  Tilkynningum komið stöðugt þar á framfæri.  Eina tenging við heiminn er hugsanlega bara batterís tæki.

Blessað fólkið hefur ekkert lært síðan í suðurlandsskjálftanum þegar fótboltaleikurinn var meira áríðandi en að koma neyðarupplýsingum á framfæri.

RÚV bregst við umræðu vegna fréttaflutnings

Athugasemdir

[Gunnar Heiðarsson, 18.12.2019 kl. 14:55]

Að bera því við að fréttir hafi verið misvísandi og af skornum skammti er auðvitað bull.

Á heimasíðu Rarik voru stöðugar uppfærslur af ástandinu, hvar væri rafmagnslaust, hvað væri verið að vinna í og þegar á leið orsakir þessa rafmagnsleysis. Auðvitað er það svo að áætlanir um bætur riðlast gjarnan í svona veðrum, en fréttastofa ruv gat einfaldlega útvarpað þessum upplýsingum jafn óðum og þær voru uppfærðar.

Það fólk sem sat í köldum húsum sínum, án rafmagns og síma, meðan stórhríðin barði húsin að utan, hafði enga möguleika á að ná tölvusambandi.

Reyndar var ástandið á sumum svæðum þannig að ekkert útvarp náðist heldur, hvorki gegnum FM senda né langbylgju og er það vissulega áhyggjuefni. Kannski stofnunin ætti að senda fréttamenn út af örkinni til að rannsaka hvers vegna stóð á því. Ríkisútvarpinu er jú haldið uppi af skattfé okkar, í nafni almannaheilla!

[P.Valdimar Guðjónsson, 19.12.2019 kl. 00:45]

Það er haldið úti langbylgjuútsendingum hjá RÚV í öryggisskini að sagt er.

Þarna voru um langa hríð bara nákvæmlega þær aðstæður.  Simi,fjarskipti og internet úti á ákveðnum svæðum þegar verst lét.

Þá eru batterístæki með langbylgju málið. Jafnvel eina leiðin. Svo er annað mál hversu margir eiga slíkt.  

En þó einhverjum þyki það etv. gamaldags þá þarf að útvarpa skilaboðum og tilkynningum við þessar aðstæður.  Annars finnur fólk í verstu aðstæðum sig verulega óöruggt.   "Allar upplýsingar á vefnum", getur þá um stund hljómað sem lélegur brandari.