Að flytja inn dýrtíð.

Þetta er einfaldlega hluti þess að gera Ísland byggilegt.   Lægra orkuverð til almennings en víðast annarsstaðar. Að auki hrein orka.

Með sæstrengs-hugmyndum á óleynt og velljóst að stórhækka rafmagns og orkureikninga heimilanna.  Sem er gjörsamlega óskiljanlegt.   Ekkert heimili sleppur við slik útgjöld.  Sem leiðir til einfaldrar niðurstöðu.  Það skiptir minnstu máli hvað hlutirnir heita.  Bensínverð, vaxtagjöld, matvælaverð, olíuverð, verð á þjonustu, ORKUVERÐ.    Því lægri og hófstilltari verðlagning, því byggilegra.

Ég þekki  orkuverð á lítilli íbúð í Berlín á mánuði sem dæmi.  Orkuverð þar er okur-verð, miðað við á Íslandi. 

Reynum því að halda og verja það sem við höfum, en ekki snúa á hvolf og búa til dýrtíð.

Í samanburði við tugmilljóna þjóðfélög hér í nálægum löndum er hér orku-örmarkaður hvað stærðir varðar.  Þrátt fyrir allan orku belginginn á stundum.   Það ruglar hinsvegar suma að hann er risastór á innanlandsvísu miðað við mannfjölda. Sem er annar hlutur.   Orkan er líka eftirsótt og það getum við notfært okkur án þess að refsa almenningi, viljandi.

Orkuverð lægst hér

Athugasemdir

[Jós.T. (IP-tala skráð) 22.3.2015 kl. 20:13]

Úpps, við nánari skoðun virðast tölur OR um orkuverð á hinum norðurlöndunum vera sérvaldar og ekki samanburðarhæfar. Þegar hæsta verð sem finnst í einu landi er borið saman við það lægsta sem finnst í öðru og hæsti mánuður við meðaltal er útkoman augljóslega villandi. Of þá vaknar spurningin hvers vegna OR er að slengja þessu fram.

Og hreina orkan gengur aðeins ef maður hundsar mengun frá borholum og óafturkræf náttúruspjöll uppistöðulóna. Það að orkuframleiðsla hér mengi og skaði minna en kolaorkuver gerir hana ekki hreina. Þar er frekar um slynga auglýsingamennsku og sjálfsblekkingu að ræða. Svipað og þegar við segjum okkur best menntuð, gáfuðust og fallegust með besta heilbrigðiskerfið og ósnortna náttúru þrátt fyrir stærstu manngerðu eyðimörk í Evrópu eftir 11 alda áníðslu og uppblástur.