Þjóðernishyggja, ættjarðarást, þjóðremba ofl.

Það var nokkuð fróðlegt spjall hjá Ævari Kjartanssyni útvarpsmanni á Rás 1 nú í morgun þjóðhátíðardaginn. Þátturinn heitir Nýja landið Ísland.Gestir voru tveir, þýsk kona að nafni Úrsúla  og Egypti að nafni Omar.  Þau eru  að festa hér rætur, búsett og ala upp börn sín á Íslandi.  Bæði greind og íhugul  komu þau með sinn vinkil  og  eigin sýn  á Ísland og  þjóðlífið almennt.

 Engar öfgar orðið hér.  Þau könnuðust ekki við það.   Við erum flottust og best sögðu þau stundum heyrast hér, en þarf ekki allltaf að vera neikvætt.

Í  rökræðum um ESB málið  er  of oft hrist upp í  hugtökum. Þjóðernishyggja, þjóðremba og fleira tengt íslensku þjóðerni.  Þessu er ruglað saman og í áróðurstilgangi "nationalism"  klínt uppá aðra.      En það er líka til ættjarðarást. Hljómar svakalega væmið  en slíkt fyrirfinnst alveg fölskvalaust. 

Gestirnir hjá Ævari könnuðust ekki við að þessir hlutir væru komnir útí öfgar hérlendis. Þau lýstu ánægju sinni með það.

Hér er linkur á þáttinn á Rás 1.

http://www.ruv.is/sarpurinn/nyja-landid-island/17062013-0

Ég er fyrir umburðalyndi gagnvart öndverðum skoðunum.      En pirringur og óþol ESB sinna gagnvart aðildarferli  skil ég ei.   Áherslur stjórnarflokkanna í þeim málum í kosningabaráttu voru öllum ljós og allt upp á borðum.     Því þarf enginn að verða hissa.   Þetta er ekki mál málanna hjá meirihluta þjóðarinnar.  Það var staðfest í kosningum.  Mistökin liggja í fortíðinni.  Nefnilega að ekki skyldi kosið um upphaf þessarar löngu lautarferðar til meginlands Evróptu.Sami pirringur er reyndar hjá Samfylkingu gagnvart lausn á skuldamálum heimila 1,2 og nú.  Rekið á eftir Framsókn að efna loforðið strax.  Það skil ég ekki heldur, því Samfó lýsti sig andvíga slíkum lausnum í kosningabaráttunni.  Nota féð úr þrotabúum frekar í greiðslu skulda ríkisins.  Ef þau væru samkvæm sjálfu sér hljóta þau að halda því til streitu.    Ergelsið  er því allnokkuð ankanalegt.

Evrópusambandið þarf að sanna sig

Athugasemdir

[Magnús Helgi Björgvinsson, 17.6.2013 kl. 17:03]

Málið er að Framsókn hlaut sína kosningu út á sína loforð. Og því er eðlilegt fyrir flokka sem buðu ekki svona vel að reka eftir því að flokkar sem komust til valda með þessu loforðum sýni hvernig þau ætla efna þau án þess að þunig lausna lendi á okkur hinum sem fáum ekkert leiðrétt.  Og málið er að Alþingi ályktaði um að fela ríkisstjón að sækja um ESB. Og skv. stjórnskipun þá getur ekki ný stjórn hætt við það ferli án þess að fara með málið fyrir Alþingi. Því að Sjálftæðisflokkur og Framsókn voru ekki kosin sérstaklega til að stýra landinu. En þessir 2 flokkar náðu saman. Annar flokkurinn með tæplega 25% kjósenda á bak við sig og hinn rétt rúmlega.  Og samtals rétt rúmlega 50% atkvæða.  Framsókn hefur talað í 4 ár um að það megi ekki dragast deginum lengur að lækka lánin og sögðu að þeir væru með leið sem kostar okkur ekkert. Þeir töluðu um að efla heilbrigðisþjónustu, hækka laun, fella niður verðtryggingu og lækka alla skatta. Og nú er það stjórnaranstöðunar að rukka um þessi mál.

Ekki voru Framsóknarmenn að spara stóru orðin og gagnrýni á fyrri stjórnvöld og rukka um efndir á meðan að þeir unnu leynt og ljóst gegn öllum málum. Sjálfstæðisflokkuinn var þó aðeins skárri. 

[P.Valdimar Guðjónsson, 17.6.2013 kl. 17:10]

Gott og vel Magnús Helgi.

Við bara verðum samt að lofa þeim að setjast í stólana.  Þeir eru varla orðnir heitir.       100 daga  umburðarlyndið  er nú enn í gildi, plús / mínus.

 Hvað flokkur á hvaða tíma sem á í hlut.