Velta og sala. En verð?

Þessi frétt er aðallega um veltuaukningu/minnkun  og sölu.   Hvað um verð?

Jú raftækin heldur að lækka, gott mál. 

Hvenær byrjar innflutt dagvara að lækka?    Gengið hefur styrkst á annan tug prósenta frá áramótum.   Á að láta verslanir hirða þennan mismun án þess að segja múkk?  

En.

 Afskriftir og gjaldþrot vegna verslana og þjónustugeirans fyrst eftir hrun fór í 88 milljarða.  Það tekur náttúrlega tíma að ná inn fyrir alla nýju eigendurna.    Jafnvel þó margt stórt hafi fengist á hörkuprís.

Dagvara hefur hækkað um 6,1%

Athugasemdir

[Jóhanna (IP-tala skráð) 15.4.2013 kl. 20:29]

Meðan að íslendingar nota kretit-debet/kort, þá hafa þeir ekkert verðskyn, og á meðan getur varan "hækkað í hafi" og álagning haldið áfram að vera frá 300- 3000% Enginn spyrnir við fótum og segir: "Nei, þetta kaupi ég ekki fyrir þetta verð". Íslendingar eru þekktir fyrir það því dýrari varan er, því stoltari eru íslendingar. "Ég borgaði svo og svo mikið fyrir þetta". (Þá er það garanterað) "mjög flott". Í mínu ungdæmi kallaðist þetta "flottræfilsháttur". Nú eru c.a. 95% íslendinga haldnir þessu hvað á ég að kalla það? Þessu "fári". Við þurfum ekki einu sinni að tala um bíla, það dugar að vera í skóm eða sokkum af einhverju þekktu "merki".

Skiftir ekki máli hvað það kostar, allt er jú framleitt í Kína hvort sem er. Vonandi breytir verslunarsáttmáli við kínverja einhverju þarna. Vil eigi að síður undirstrika það að mikið vantar á að kínverjar séu með sín mannréttindi í lagi. Við íslendingar verðum að vera meðvituð um það að sýna þrýsting hvenær sem við getum komið því við.

kveðja.

[P.Valdimar Guðjónsson, 18.4.2013 kl. 23:10]

Alveg sammála þér Jóhanna.

Efla og endurreisa verðskyn almennings. Það mætti alveg vera markmið einhvers þeirra urmuls framboða sem falbjóða sig þessa dagana.

Margt sem ruglar þetta. Jú hugsanlega kredit kortin. Við kokgleyptum þá nýjung fyrir 30 árum meira en flestir. En þægilegt er það. Ekki síst fyrir þá sem eru tæpir á eyðslusvellinu.

Ekki bætir síbreytt verðlagning í dagvöruverslunum og víðar. Hvernig menn hafa hagað sér nær ekki nokkurri átt. Jafnvel verði vöru breytt oft á dag. Illvinnandi vegur að þróa sitt verðskyn i þvi umhverfi.