Þversagnir.

Þetta er flókin glima og vangaveltur kringum Landeyjahöfn og Herjólf.

Ef " baráttan"  við að sigla inn, snýst ekki aðeins um brim og ölduhæð, heldur einnig skæða þverstrauma líkt og þeim sem  þeyttu skipinu uppað varnargarði síðasta haust; ja þá fæ ég ekki skilið hvers vegna aflminna skip sé það sem vantar.

Séð úr landi, frá landkrabba, hlýtur að þurfa hraðskreitt og vélaröflugt   skip við þessar aðstæður. Geta brugðist snöggt við óvæntum aðstæðum.      Samt grunnrist til að komast inn. Sem síðan aftur á móti kemur niður á stöðugleika.   

Þannig að þetta er engann veginn auðveld glíma.

Sem endar síðan á enn einu vandamáli.    Við frátafir og ólgusjó þarf að vera til öflugt  sjóskip reiðubúið að beygja í vesturátt til Þorlákshafnar.  Þar hentar vart grunnrist fleyta.  

 Hvað sem má nú annars um þetta segja allt saman.   Og allir hafa skoðanir.     Þá er sigling þessa stuttu leið vor, sumar og haust algjör bylting í öllu tilliti fyrir Eyjamenn, ferðaþjónustuna og samfélagið.

Nýr Herjólfur verður aflminna skip

Athugasemdir

[Ómar Bjarki Smárason, 25.3.2013 kl. 00:35]

Ætli þetta snúist um skráningargjöld eða eitthvað því um líkt, svipað og með bílana? Og kannski verður settur í skipið "kubbur" eftir að það er komið til landsins til að auka aflið....!

Kæmi ekki á óvart að það væri eitthvað ámóta rugl í gangi, því ályktun þín er alla vega rökrétt, Valdimar. Það hlýtur að vera kostur að vera með aflmeira skip í glímu við erfiðar aðstæður......

[P.Valdimar Guðjónsson, 25.3.2013 kl. 10:13]

Hugsanlega Ómar Bjarki. Hef persónulega meiri skilning á viðleitni til að takmarka hraða þungra bíla á mjóum vegum, en síður við þessar aðstæður.