Eru tölvuleikir hlutaskýring?

 

Í Speglinum á Rás 1 var í kvöld fréttaritarinn í Noregi að bera saman fjöldamorðin í Útey   og nú síðast í Sandy Hook grunnskólanum í Connecticut.     Margt reyndar  sem við vitum ekki enn um þennan síðasta atburð.     

Mig langar að vita;  var morðinginn háður tölvuleikjum ?      Breivik iðkaði slíkt  og æfði sig þar að salla niður fólk.   Svo virðist sem fjöldamorðinginn í Sandy Hook hafi haft svipuð gjörsamlega  köld og morðóð handtök.    Hver einstaklingur var  skotinn   mörgum skotum  og eins margir sem mögulegt var.

Verð að viðurkenna þá skoðun mína að ofbeldistölvuleikir  eru margir ógeðslegir í  hæsta máta.   Fullvopnaður  getur þú  sallað niður manneskjur með öllum fullkomnustu hríðskotarifflum sem fást. Takmarkið oftast að ná sem flestum.   

Ekki er nokkur vafi að einstaklingar tæpir á geði  sem ánetjast  fyrrgreindri tómstundaiðju  eru áhættuhópur.   Í Noregi  var  sérlunduð pólitísk  þráhyggja  ofan á  ískalda grimmd Breivik, sem á vélrænan hátt  hélt gikk vopnanna samfellt opnum.

Í  Bandaríkjunum þurfa einstaklingar tæpir á geði greinilega ekki slíkt til að framkvæma gjörning sem þennan.  Byssukultúrinn og skefjalaust ofbeldi í kvikmyndum og tölvuleikjum  virðist duga eitt og sér.

 

Skólastarf hafið á ný

Athugasemdir

[Hans Haraldsson (IP-tala skráð) 19.12.2012 kl. 00:41]

Árið 1913 skaut Ernst August Wagner 14 manns til bana og særði 11 í Þýskalandi.

Ætli hann hafi verið að spila tölvuleiki?

Á Wikipedia er hægt að finna samantekt yfir fjöldamorð framin af einstaklingum. Samantektin er ekki tæmandi og því erfitt að draga ályktanir um tíðni eftir löndum, heimshlutum eða tímabilum en hún sýnir það þó greinilega að fyrirbærið er hvorki nýtt eða bundið við heimshluta þar sem tölvuleikjaspilun er almenn:

http://en.wikipedia.org/wiki/List_of_rampage_killers

[P.Valdimar Guðjónsson, 29.12.2012 kl. 15:56]

Ég er alls ekki að alhæfa um alla sem spila tölvuleiki.    Eins og ég bendi á þá er mín skoðun að iðkendur  með vissa tegund geðveiki,  eða brenglað veruleikaskyn geti verið viss áhættuhópur.

Áhættuhópur þarf ekki ekki að þýða neitt fyrir alla hina.    Sérstaklega þegar áhættuhópurinn er jafn agnar lítill  og  örsmár  sem í þessu tilviki. 

Að þetta gerðist í Noregi þýðir að þetta getur gerst.  Jafnvel  í friðsælum ríkjum.  

En áfram verða spilaðir tölvuleikir  um allan heim vandræðalaust. Samt með svona á að giska 0.02%  áhættu af því sýndarveruleikinn breytist í veruleika.