Umfjöllun RUV um ESB.

Einn frasinn í ESB áróðursstríðinu er að vanti umræðu um kosti og galla aðildar.  En er von á slíku þegar fjölmiðill allra landsmanna býður aðeins uppá annan kostinn að mestum hluta?

Kannski er ég einn um þessa skoðun, en þá verður bara að hafa það.  En ég sendi Agli Helgasyni eftirfarandi línur;

"Þú talar um að umræðan sé þröng Egill. Sjálfur stuðlar þú að því með félögum þínum og starfsbræðrum á RÚV. Það er hreint ótrúlegt að fylgjast með því viku eftir viku,mánuð eftir mánuð nánast 70 -90% aðeins ein hlið, ein afstaða í umfjöllun um þetta viðkvæma málefni. Nánar tiltekið sjónarmið þeirra sem eru hlynntir aðild að ESB:

Tek fram að ég er hrifinn af þér sem sjónvarpsmanni. Þú ert að gera margt gott. Þú er eðlilegur og tilgerðalaus framan í cameru. Það skilar sér síðan beint til viðmælenda sem virka sultuslakir en einbeittir vegna þess að stjórnandinn er það líka. Á endanum eru síðan áhorfendur sem einnig njóta góðs af. Þeir spá betur og ótruflað í hvað gestir segja, en ekki hvernig þeim líður eða hvernig settið lítur út. (Breyting frá árum áður).

En gera verður kröfu til RÚV að umfjöllun um ESB í miðli allra landsmanna vegi salt þegar kemur að vali á viðmælendum. Allavega að öndverð sjónarmið eigi og geti komist til landsmanna í jafn viðkvæmu máli. Svo er ekki í dag. Niðurstaðan er sú að fylgjendur aðildar hafa hlammað sér á vegasaltið öðrum megin í þessum miðli og enginn segir neitt. Sem er sérkennilegt.

Þetta eru þættir eins og Silfur Egils, Spegillinn (áberandi hjá Gunnari), Í vikulokin og fleiri þættir. Val á innlendum viðmælendum er á stundum hreint farsakennt frá einhliða sjónarmiðum séð. Ekki skoðanir viðmælendanna, tek það fram.Þær geta verið ágætar. Bara fáránlega eintóna. Sömu andlitin, sömu raddirnar mæta aftur og aftur. Þylja sömu lofrulluna.

Af hverju koma aldrei fulltrúar atvinnuveganna með sín sjónarmið? Útgerðarmanna, sjómanna,verkalýðsforkólfar, iðnrekendur, bændur, neytendur svo einhverjir séu nefndir. Þess í stað virðist umfjöllun á máli sem snertir allar fjölskyldur landsins læst í hólfum. Allir eru í sínum boxum (skotgröfum) sem eru mest í netheimum líkt og nútíminn býður uppá. "
---------------------------------------------------------------------------

 Ég hef þá trú að almenningur vilji alveg heyra fleiri ræða þessi mál en Eirík Bergmann svo dæmi sé tekið.  Með fullri virðingu.        Staðreyndin er sú að fjöldi stofnana, samtaka og atvinnuvega eru með á hreinu hvað býðst hjá ESB klúbbnum og hvað ekki.  Hafa kynnt sér málin ofan í kjölinn.  Síðan draga þessir "sérfræðingar"  mismunandi ályktanir.  Það er allt annað mál og er fylgifiskur alls þessa.  Sínum augum lýtur hver á silfrið os.frv.

  En með miðlun þessarar þekkingar  til almennings væri það síðan Jóns og Gunnu  að meta upplýst hvernig málin standa  Slíkt hefur ekki verið í boði i hjá RÚV.

Þá segja aðrar raddir að við vitum ekkert hvernig samningurinn muni endanlega líta út.   Við vitum það hinsvegar giska vel nú þegar.    ESB er ekkert á leiðinni að gera mikið öðruvísi samning við íslensku samninganefndina en aðrar þjóðir. Slíkt er firra.       Af þeim ástæðum getur almenningur  gert býsna gott hagsmunamat sjálft nú þegar.      Slíkt gerir norskur almenningur greinilega þessa dagana.  Reyndar eftir tvær tilraunir til inngöngu í klúbbinn undanfarna áratugi.   Reynslunni ríkari vita frændur okkar vel hvað innganga þýðir.    Niðurstaðan, jú 80%  Norðmanna eru andvígir aðild í dag.

Athugasemdir

[Gunnlaugur Ingvarsson (IP-tala skráð) 13.12.2011 kl. 18:13]

Sæll P. Valdimar.

Nei þú ert sko alls ekki einn um þessa skoðun þína því að hana hef ég líka og tugþúsundir annarra Íslendinga.

Vona að Egill átti sig á og breyti þessari ESB slagsíðu og leitist við að laga hana og jafna þessi skoðanaskipti.

Alla vegana er hann að átta sig á því að þessi ESB draumur er að breytast í martröð og hann hefur sjálfur ekki lengur neina trú á þessum aðildarviðræðum.

Það er rétt hjá þer sem þú segir að Norðmenn þurfa ekki að fá neinn pakka til að kíkja í þeir eru alveg ákveðnir þar sem yfir 80% þeirra hafna ESB aðild og aðeins 12% eru hlynntir aðild. Sárafáir Norðmenn eru hlutlausir eða telja sig ekki geta tekið afstöðu og þó eru engar ESB viðræður í gangi og heldur enginn pakki til að kíkja í á borðinu.

Íslenskir ESB sinnar skamma okkur andstæðinga aðildar sífellt fyrir það að við höfum engar forsendur til þess að vera á móti aðild þar sem við höfum ekkert séð hvað raunverulega er í þessum svokallaða ESB pakka. Samt eru þeir ESB aðildarsinnar margir hverjir alveg handvissir um stuðning við ESB aðild og algerlega blindaðir af ESB villuljósunum frá Brussel.

Góðar stundir og gangi þér vel og halltu endilega áfram að blogga um þessi mál.

[P.Valdimar Guðjónsson, 13.12.2011 kl. 21:47]

Góðar kveðjur sömuleiðis Gunnlaugur.

Alveg rétt hjá þér að Egill viðrar orðið sínar efasemdir um þessi mál.   Það er meira en sagt verður um heittrúaðasta hópinn.   Sama þó hver krísufréttin af annari skeki allt Evrusamstarfið dag hvern.  

 Nú er svo komið að það sem enginn þjóðarleiðtogi þorði að segja upphátt fyrir nokkrum vikum síðan er staðreynd.   Framundan er miðstýrt sambandsríki.  Öðruvísi gengur Evrusamstarfið ekki.  Ekki gekk það áður.  Svo mikið er komið uppá yfirborðið.