Guðrún Valdimarsdóttir.

Alveg er hún einstök kona hún Guðrún Valdimarsdóttir.  Það skal nú tekið fram að hún er móðursystir mín.  Hún er á margra vörum einmitt þessa dagana eftir innslag á RÁS 2 fyrir stuttu.  Magnús Hlynur Hreiðarsson heimsótti hana í tilefni fyrstu ljóðabókar Gunnu sem ber nafnið "Bláklukkur".       Ekki síst er þetta athyglisvert vegna þess að skáldið er á  92. aldursári, en burtséð frá því hef ég trú á að þessi fallega bók týnist ekki í "háflóðinu" þessa dagana. Í umræddu viðtali flutti  hún eftirminnilega ljóðið "Stress".   Lýsti það á skondinn hátt  dæmigerðum nútímamanni sem í kapp við klukkuna flýtti sér um of í vinnuna.  Alltof seinn., með ýmsum afleiðingum.

Fædd á Brunahvammi  og uppalin í Teigi austur á Vopnafirði af bókelskri skáldkonu Guðfinnu Þorsteinsdóttur (Erlu) mótaði Gunnu og hin systkinin.  Faðirinn Pétur Valdimar Jóhannesson studdi alltaf eiginkonu sína Guðfinnu og sýndi skáld og sköpunarþörfinni ríkan skilning.  

Líkt og fleira hógvært fólk flíkaði Gunna ekki ljóðum og tækifærisvísum sínum   Útgáfa þessarar 87 síðna ljóðabókar en hinsvegar fyllilega tímabær.  Guðrún er einstök kona.  Hlý, hláturmild, bráðgreind og hnyttin.  Rammpólitísk ef einhver vill viðra slíkt.   Hún man  og flytur heilu ljóðabálkana svo eftir er tekið.  Jafnvel heilu ljóða bækurnar ef því er að skipta.  Og það enn í dag.

Ég óska henni til hamingju með bókina.

Hér eru nokkur dæmi úr nýju bókinni  Bláklukkur.

Líður sumar, lengjast kvöld,/

leggst að haust og kvíði./

Fögur blikna foldartjöld,/

fellur lauf af víði...

 

Engum líkar óstjórnin,/

ekki koma bjargráðin./

Víst er þjóðin vonsvikin,/

vandræðunum rígbundin...

 

Oft nær hælum hurðin skall/

að hitta á rétta vaðið./

Þú hefur unnið ókleift fjall/

og uppi á toppnum staðið. 

 

Á köldum vetri er fyrri hluti ljóðsins "Vorsól" kjörið til að hugsa um hækkandi sól á næsta leyti.

Vorsól skín og vermir landið,/

Vetur genginn er á braut./

Lifnar allt sem lá í dvala,/

laufgast tekur foldarskaut./

(Viðtalið við Guðrúnu á R'AS 2.

www.ruv.is/sarpurinn/siddegisutvarpid/07122011/niraed-med-nyja-bok

 

Aftur verða grænar grundir, /

glitrar á í fögrum dal./

Niður hlíðar liðast lækir,/

ljóma slær á fjallasal...