Hvað viljið þið það betra?

Ég lýsi eftir hástigs lýsingarorðum, en notast við orðið stórkostlegt.!

Þetta er náttúrlega algjörlega magnað hve þessir drengir hafa stillt saman sigurviljann.  Óttast algjörlega ekki neitt í handbolta og hversu illa sem gengur koma þeir alltaf til baka.

Sjálfum leist mér ekki á í byrjun hve keyrt var á öflugustu sóknarmönnunum alla fyrstu leikina, en það breyttist.    Ég hef líka sagt það að Guðmundur þjálfari er vísindamaður í handbolta og bætir sig stöðugt sem þjálfari.   Einnig stimplaði nýliðinn Aron sig vel inn  og Arnór hefur sýnt snilldartilþrif.

Hamingjuóskir með frábæra frammistöðu til landsliðsins.   Einnig samúðarkveðjur til eins af hlekkjunum í þessari keðju sem Guðmundur þjálfari og Guðjón hornamaður minntust á í viðtali við Sjónvarpið.  Sorgartíðindi í hans fjölskyldu.

 

Ísland í undanúrslit á EM

Athugasemdir

[Doddi (IP-tala skráð) 28.1.2010 kl. 21:25]

ÚFF, næsti leikur verður erfiður, Frakkar, heims- og ólympíumeistarar. Okkur Íslendingum hefur aldrei gengið vel með þá sökum þess hversu gríðarlega þeir eru snöggir og skipulagðir. Því miður þá töpuðu við fyrir þeim í æfingaleik með 10 marka mun rétt fyrir þetta mót. Vonum samt það besta.

[P.Valdimar Guðjónsson, 28.1.2010 kl. 21:57]

Já, nú liggur það fyrir. Fransmenn enn og aftur.

Rétt Doddi við höfum ekki riðið feitum hesti í síðustu viðureignum við Frakka vægast sagt.

Gummi þjálfari var samt alveg slakur (aldrei þessu vant)  yfir 10 marka tapinu gegn Frökkunum fyrir stuttu.    Spurning hvort það þýddi eitthvað, þá meina ég hvort hann var /  er, að plotta  einhver kænskubrögð gegn þeim.   Vitandi þá að ef allt færi á besta veg yrði aðalviðureignin gegn þeim í Austurríki.

Gæti vel trúað honum til þess.