Ekki sprengja þessa stráka.

Nú er það að gerast sem hefur gerst áður hjá hinum frábæra landsliðsþjálfara Guðmundi.  Ofkeyrsla á of fáum mönnum á stórmóti.     

Teymið er öflugt að skipta út leikmönnum  í vörn og sókn en það er ekki nóg. 

Nútíma handbolti er það hraður að enginn handboltamaður hefur orku í fullan leiktíma á fullum hraða með fullri einbeitingu.      Það verður að gefa öðrum séns, ekki þeirra vegna , heldu líka vegna manna eins og Ólafs Stefánssonar.   Getur varla talist mennskt að ætlast til fullra afkasta og mesta hraða hjá sömu mönnum í 60 mínútur.    

Þetta tókst í Kína (að dreifa álaginu)  og hlýtur að vera hægt núna  vegna þess að manni er sagt að allir séu heilir.

Verði ekki tekið til við alvöru innáskiptingar vinna Danir þetta næsta létt.    Þeim tekst nefnilega að stóla á fleiri en tvo til þrjá leikmenn.

En ÁFRAM ÍSLAND  samt sem áður.

Ólafur Stefánsson: „Pirraður, sár og svekktur“

Athugasemdir

[Már (IP-tala skráð) 22.1.2010 kl. 13:44]

Algerlega sammála þér. Maður skilur í raun ekki hvað strákar eins og Logi eru að gera þarna ef þeir eru heilir ?

Logi var víst tæpur fyrir mótið (öxlin) og þorði lítið að skjóta vegna verks í henni. Hann er ennþá ekki farinn að skjóta nú eða bara spila leikina !

Við þurfum ekki farþega. Ef menn eru ekki 100% þá eiga þeir ekki að bjóða sig framm í landsliðið.

Óli Stef er svo þreittur og gerir ítrekuða tæknifeila í leikjunum. Fyrir utan Arnór Atlason þá er enginn leikmaður að spila jafnvel eða betur en á síðasta móti. Hann er rétt mótiveraður strákurinn.

[gjons (IP-tala skráð) 22.1.2010 kl. 14:06]

Lítum á björtu hliðararnar. Ísland hefur enn ekki tapað leik og á enn möguleika á að vinna riðilinn. Við hefðum alltaf þurft að vinna Dani til að eiga einhverja möguleika í milliriðlinum. Hitt er óskiljanlegt að Guðmundur skuli alls ekkert nota nokkra menn liðsins. Ólafur er 36 ára, frábær handboltamaður og snillingur, en hann þarf hvíld og við eigum ágæta mann í Ásgeiri Hallgrímssyni sem getur farið í hornið og Alexander þa í skyttustöðuna sem hann klárar með glans. Þetta er að verða eins og hjá hinum póska Bodan, sem var lærimeistari Guðmundar. Hann treysti aldrei nema byrjundarliðinu. Þjálfarinn er á góðri leið með að brjóta niður menn eins og Aron Pálmarsson, Loga Geirsson og Ásgeir Hallgrímsson. Sturla Ásgeirsson hefur sannarlega sýnt að hann getur gert góða hluti og hvílt Guðjón Val inn á milli. Maður spyr sig hvort þjálfarinn sé að fara á taugum. En við höfum oft farið erfiðu leiðina og ekkert skiptir meira máli fyrir íslenska þjóð núna - ekkert - en að vinna Dani á laugardag. Við elskum þessa stráka en það má ekki drepa má með álagi né brjóta aðra niður vegna þess að þeim er ekkert traust sýnt.

[P.Valdimar Guðjónsson, 22.1.2010 kl. 20:53]

Það er rétt, ekkert tap enn.   Nákvæmlega gjons,  ekki gott að "ofnota"  þessa sömu snillinga með ofkeyrslu en yfirspenna síðan hina með því að þeir verði veskú að sýna allt sitt besta á nokkrum sekúndum.  Annars að híma á bekknum.

 Danaleikurinn verður með líkindareikningi stönginn inn stöngin út á síðustu sekúndu og munurinn ekkert til eitt mark.

[Stefán Jónsson, 23.1.2010 kl. 12:45]

Ég er sammála ykkur í því að okkar menn virðast hreinlega ekki hafa úthald í þetta. Það sem virkaði svo frábærlega á Ólympíuleikunum, að dreifa álaginu á sem flesta, sést ekki eins mikið núna.

En ég vil taka skýrt fram, að ég treysti Guðmundi 150% sem þjálfara. Hann hefur margfalt meira vit á þessu en við allir til samans.
Til dæmis er augljóst af hverju Logi hefur nánast ekkert fengið að spila, Arnór er einfaldlega búinn að vera besti sóknarmaður liðsins.
Varnarleikurinn hefur frekar verið að bregðast en sóknarleikurinn og þar er kannski ekki um svo marga skiptimöguleika að ræða.