Hverjir fengu ekki lán ?

Það er íhugunar virði að velta fyrir sér hverjir fengu lán í góðærinu.   Og  nokkrar "fyrirtækja" nefnur sem fengu þvílíkar upphæðir að venjulegt fólk fær engan veginn skilið.   Þar fuku milljarðar svo tugum og hundruðum skipti til örfárra.  Gegn stórskrýtnum eða jafnvel engum veðum.  Til hvers og í hvaða tilgangi veit enginn í sumum tilfellum.

En jafn fróðlegt er að velta fyrir sér hverjir og hvaða fyrirtæki fengu þvert nei.  Því miður þú færð ekkert lánað hjá okkur vinur / vina.

Ég veit um sprotafyrirtæki í Þorlákshöfn sem átti sinn undirstöðu og þróunartíma á góðæristímanum.  Þegar fjármagnið flæddi útúr bönkunum í allar áttir.    Þar lá margra ára þróunarstarf og tilraunir að baki.  Einnig voru útflutningsmarkaðir erlendis kannaðir með góðum árangri. Þarna átti að nýta jarðhita við vinnslu og nýtingu raunverulegra verðmæta

Töluvert hafði fengist úr opinberum sjóðum til þessa verkefnis, svo að þess bærum aðilum hefur  litist vel á áformin.   M.ö.o þetta var verkefni sem hefði skapað mörg störf  og var komið vel á veg.

Hver var niðurstaðan:    Nei þið fáið ekki lán, var svarið.    Samt vantaði aðeins 40 - 50 milljónir til að klára dæmið.    Á græðgistímanum var þolinmæðin engin.   Hugsanlega væru þarna dýrmæt störf til í dag.

Ég velti fyrir mér ef viðkomandi aðili hefði ætlað að reisa raðhús, eða einbýlishús.  Þá hefði að líkindum verið spurt., hvað þarftu mikið?