Málstol er afleiðing.

Fréttin sem er eflaust ættuð upprunalega frá Hollywood segir aðeins hálfa sögu.

Málstol er ekki sjálfstæður sjúkdómur.  Það er yfirleitt afleiðing heilaskaða.  Leikarinn Bruce Willis hefur því annaðhvort fengið heilablóðfall / slag, eða fengið höfuðhögg. Slíkt kemur þó ekki fram í fréttum af leikaranum.   Skil það ekki alveg.

Breytir ekki því að þetta er martröð leikarans, og hvaða einstaklings - sem í lendir. 

Öll fjölskyldan sameinast í kringum Willis

Ooobssss.

Varla hefur þetta "Frudean slip " hjá Biden forseta farið vel í Putin. Kreml titrar.  

En alltaf kemur betur í ljós hver var stórmenni síðustu áratuga eða alda í Rússlandi. Hefði náungi líkur Putin,  en ekki Mikhail Gorbachev verið við völd fyrir rúmum 30 árum - væru Lettland,Litháen, Tékkó og margar fleiri,  ekki frjálsar og framsæknar lýðræðisþjóðir  í dag.  Sú staðreynd að hervaldi var ekki beitt af hálfu Rússa (Sovétmanna) þá - breytti heimsmyndinni.

Staðan er gjörbreytt í dag því miður. 

En gleymum því ekki í öllu þessu, að Rússland á sér merka sögu og íbúar ( meðal Jónar og Gunnur) í þessu stjarnfræðilega landflæmi eiga miklu betra skilið. 

 Það kaus enginn í þjóðaratkvæði að ráðast inn í Úkraínu.   Bara enn einn Hitler, Napoleon, Aldexander mikli... Stalín, mættur á svæðið.    Putin hlýtur að langa í þann flokk.

Söguleg stefnubreyting dregin til baka

Sagan endalausa, aftur,aftur,aftur,af.........

Núverandi ógnarástand í Úkraínu, leiðir hugann að stórum stríðum sem örfáir starta. (Þjóðir hefja sjaldnast stríð). Hvenær hefur beinlínis verið þjóðaratkvæðagreiðsla um innrás í annað land?  Leyf mér að giska. Aldrei.    - Sagan segir okkur nefnilega, að einungis örfáir galnir og hálf galnir karlmenn hafa séð um að kveikja eigin hatursneista gegnum aldir. Og gera enn.

Bossinn Putin vill deila og drottna - yfir löndum og alþýðu. Honum dugir ekki stærsta land heims til þess.

Bossavers

Vér bossarnir berum vorn kross.
Aðeins brotastrik skilur oss
frá alþýðu manna.
Þá er sjálfgefið að sanna:

Vér = hún
______
oss

(Þorsteinn Valdimarsson)

Samfylkingin og val á framboðslista.

Sagan endalausa.  Alltaf nýir fletir á stórskrýtnu vali  og uppákomum hjá fámennum flokkseigenda - eigendum Samfylkingar.  Framboð með eða án prófkjörs um langt árabil ,allsherjar og allskyns klúður. 

Gögn reyndust ekki rétt

Vonandi lexía.

Þetta er illskiljanlegt.      Af hverju var þessum upplýsingum ekki komið samtundis til lögreglu?        Af hverju var þessum upplýsingum ekki komið samstundis á björgunarstjórnstöð? 

Ætlaði einhver að spila sóló ?    Flugmenn að leita sjálfir ?   Eða vinir?

Ég veit engin svör við þessum spurningum.  Málið er að þarna skipta;

1. sekúndur, 2. mínútur, 3. klukkustundir, 4.dagur, 5. sólarhringar,  öllu máli. 

Tek fram að að nr. 1 og 2 á vart við hér.  Slíkur er fimbulkuldi Þingvallavatns, að björgunartími er örstuttur.  En allar vísbendingar á fyrstu stigum er algjört "gull" við svona hrikalegar aðstæður (engin neyðarmerki frá flugvél) .

Svona upplýsingum má aldrei undir neinum kringumstæðum halda fyrir sig, eða  sinn hóp. 

 

Að þessu   sögðu  skal haldið til haga að björgunarsveitir stóðu að öllu

öðru leyti sig frábærlega, eins og  áður í erfiðum aðstæðum.      Þetta skýrist vonandi, við rannsókn,  eða í upplýsingum frá stjórnendum leitar næstu daga.     Slæmt að þetta hafi þurft inn í reynslubankann.

PS.  magnað að sjá íslenska hönnun og tækni í fjarstýrðum kafbát - sem líkur þessari leit í hyldjúpu vatninu.

 

 VIÐBÓT;  Lögregla og björgunarsveitir vísa nú þessum upplýsingum Fréttablaðsins á bug og segja ekki réttar.  Er það vel, ef svo reynist. 

 

Mikilvæg gögn hafi borist seint til lögreglu

Hættulegasti andstæðingurinn kominn fram.

það var þá kófið sem fór með það.  Illviðráðanlegt að stöðva þennan andstæðing þegar hann mætir.   Eins og þetta leit allt hrikalega vel út.

Við áttum góðan séns í Dani með okkar öflugustu menn, en þetta riðlar nú ýmsu. 

Grímuskylda inni  í 22.0000 manna höllinni var nú bara góður brandari í gærkvöldi.  Flestir með teygjuna um hálsinn reyndar, en fáir með grímuna fyrir vitum.  Í hitanum, svitanum og æpandi stemningu.

Eins var lýsing Guðmundar þjálfara um vals almennra hótelgesta um allt meðal leikmanna, ekki traustvekjandi sem  sóttvarnir fyrir leikmenn.

Fer eins fyrir landsliðinu og Daða í júróvisjón ? ( 2 ár í röð)    Vonandi ekki.  

 

Vallarþulurinn hælir Sigvalda á hvert reipi

Í beinu sambandi við kófið.

Voða er þetta "drastískt"  allt saman.   Á leið útaf sporinu já.  Er það ekki fullmikið sagt?    Gegnum allt þessi tvö ár, höfum við nokkrum sinnum séð skæru ljósin við enda gangannna.  Okkar hefðbundna óhefta líf innan seilingar.       En orðið að éta margt aftur upp.        Þreytti frasinn "þetta er ekki búið"  - margupprisinn.

 

Sé veiran hætt að stökkbreytast,  eða hjarðónæmið byrjað að virka hefur Ragnar Freyr læknir rétt fyrir sér.     Enginn veit það hinsvegar fyrir víst.     En sé  þessi bardagi í heildarstríðinu gegn kóvid hinsvegar að hjaðna  - er það vissulega fagnaðarefni.    

Frábið mér hinsvegar besserviss eftirá eða "ég sagði það"( sem mun eflaust heyrast) .   Heimsfaraldur þessi  er /var í hápunkti sínum alvarlegri en svo.

Erum á leið út af sporinu

Vakur á skeiði.

Jón Jónsson yngri var bóndi á vestri- Loftsstöðum í Flóa.  Gerði einnig út áraskip á þessari aldagömlu verstöð. Síðastur sinna forfeðra sem voru alnafnar hans í marga ættliði. Vélaöldin breytti mörgu í sjósókn sem sllir þekkja.   Einnig var hann organisti og stjórnaði kirkjukór. Gaulverjabæjarkirkju. Sögur af Nonna voru margar, og hann dró nú ekki sjálfur úr, í sínum sögu - frásögnum - og atvika lýsingum.

 

Vestri Loftsstaðir voru menningarheimili á árum áður. Ragnar í Smára lýsir m.a.veru sinni þar sem ungur drengur. Upplifði flutning á klassísku tónlistarverki á hefðbundin hljöðfæri líkt og í stórborgum Evrópu.  Enda bjuggu þarna áður án efa,  það fólk sem var í mestum efnum í Gaulverjabæjarhreppi. Sjórinn (verstöðin) gaf vel.

Dagur Brynjólfsson bóndi  í Gaulverjabæ (Nonna saga) fylgdi vel eftir að halda í þau hlunnindi sem fylgdu kirkjujörðinni á öldum áður. Sennilega síðasti ábúandinn sem gerði það.   Eitt af því var hluti í reka á Loftsstaðafjöru. Eitt sinn kom Dagur á sjávar - kambinn og hitti Jón. Sáust þá för í sandinum. "Hér eru för eftir hest. Síðan líkt og eitthvað hafi verið dregið eftir fjörunni" Gaf í skyn að dreginn hefði verið reki, eða annað álíka. Örlítið fát kom á Nonna, en svaraði síðan ;

"Nei, ég var hér á mínum besta hesti. Hann lá svo hratt á skeiðinu að hann hreinlega dró afturlappirnar ! "

Munaði lika um Hafnarfjörð.

Vegna " línudans" í nýju hverfi Hafnafjarðarbæjar mátti lítið sem ekkert byggja þar í tæp tvö ár.    Skipulagsstofnun ásamt fleirum brá þar fyrir fæti.   

Munar um minna í stórum bæ.  Afleiðingar án efa (að hluta) ástæða þess að fólk flykkist austur ( Selfoss, Hveragerði) og vestur fyrir höfuðborgar - mörkin.

„Meðvirkni með bönkunum sem spáðu rangt“

Sofandi lífeyrissjóðir.

Af hverju stökkva íslenskir lífeyrissjóðir ekki á svona tækifæri?

Er þetta of öruggt ?

Þá er ég að meina stærri hlut. Ráðandi hlut í Mílu.  Nóg til af peningum frá okkur pöpulnum - sem eru ætlaðir í ávöxtun. Tekjuinnstreymi þessa fyrirtækis traust.  Inernetið er ekkert að klárast og síminn verður notaður áfram. Það er nokkuð ljóst. 

Svona fjárfesting er ekki skyndigróði.  Þetta er langtíma.   En er ávöxtun svona sjóða ekki nákvæmlega það ?

Þess í stað eru skrýtnu ( og misheppnuðu) " ævintýrin" útum allt. Í hvert skipti sem ekið er héðan til Reykjavíkur sést t.d Reiðhöll ein og íbúðahverfi í Ölfusi.  Þar hafa lukkuriddarar lífeyrissjóðanna farið ( ekki 1x heldur oftar)  rass yfir haus.  Í gölnum fjárfestingum.    Etv.  ekki stór töp í heildarsamhengi, en safnast er saman kemur.

 

Þarf að gæta þess að allir séu á sömu blaðsíðu