Hvar eru viðskiptablaðamenn?

Ég sendi Agli Helga eftirfarandi línu:

Þarna komst þú inná hlut Egill sem ég var einmitt að hugsa um í dag.

“Skortur á blaðamönnum með hagfræðimenntun.”

Eða viðskiptafræðimenntun. Skil hvað þú meinar. Staðan er einfaldlega þannig í dag að við fáum gagnrýnar fréttir úr þessum geira frá stórblöðum Lundúnaborgar um íslenskt viðskiptalíf. Íslenskir “viðskipta” blaðamenn og skríbentar eru rasskelltir og skúbbaðir nánast annan hvern dag. (Þaðan)

Viðskiptafréttir Stöðvar tvö og Mbl. segja manni lítið lengur . (Íslenskir blaðamenn eru án efa með verðtryggð lán og vilja skiljanlega halda atvinnu sinni sem aðrir) Einmitt þegar ríður á að vita hvaða rugl er búið að vera í gangi. Eða hvar raunveruleg núverandi og fyrrverandi krosstengsl hafa legið. (sent 15.09)

Hvar er rannsóknablaðamennskan?     Hvar eru blaðamenn með með hóp af heimildarmönnum?  (Líkt og bloggfélagi minn hér Atli Rúnar vann sínar fréttir  þegar hann sinnti pólitíkinni á RUV)

Mér finnst þeir ekki að standa sig þessa dagana.    Símal um punktafall og ris í kauphöll verður þreytandi til lengdar.  Sérílagi þegar vantar upplýsandi fregnir um hvað er eiginlega búið að vera í gangi, hér á landi á, líkt og kúrekinn sagði.  Við vitum líka alveg að það er alþjóðakreppa.

Dögg Pálsdóttir kom líka inná þetta sama í Silfrinu.   Nema hvað hún lýsti eftir fjármálaeftirlitinu.

Endar ekki flestar svona pælingar á sömu spurningunni.  Hverjir eiga stærstu fjölmiðlana á Íslandi?