Íbúða æðið.

Það er alltaf frekar hvimleitt þegar einhver segir: "ég sagði það", "ég vissi það" eða "I told you so"

Ég tek derhúfu mína ofan fyrir Landsbankanum.  Þeir fóru út í hverfin og fóru sjálfir að telja óseldar, ónýttar og ónotaðar íbúðir.  Engin föst statistik var til um þessa hluti.  Sem er óskiljanlegt.   Niðurstaðan var a.m.k. 2400 íbúðir ónýttar, bara á höfuðborgarsvæðinu.  Síðan ef teknar voru úthlutaðar lóðir og byggingar skammt á veg komnar  þá var talan 5900 íbúðir.!

Ég var búinn að blogga um þetta hér fyrir löngu.  En ekki skal því haldið fram að  um mikla visku eða framsýni hafi verið að ræða.  Hvaða meðalmaður gat sagt sér það sjálfur í öllum látunum að svona gengi þetta ekki endalaust.

 Mér finnst bara  verst hversu mikil orka og fjármunir fóru í þetta. Hjá duglegum fjarfestum og athafnamönnum.  Hvers vegna var hugmyndaflugið múlbundið við íbúðarhúsnæði?      Það var líkt og það væri skylda að byggja íbúðir fyrst að lánsfjármagn bauðst.

Já gott hjá bankanum að taka stöðuna á þessu.  Konan mín spurði nú hvers vegna þeir hefðu ekki gert þessa könnun fyrr. Frekar á meðan þeir voru að lána hægri / vinstri. Það er góð spurning.