Bannað að fá tannpínu um verslunarmannahelgi.

Heilsugæslan getur tekið á sig slæmar myndir.  Yfirleitt eru allir af vilja gerðir til að leysa vanda sjúklinga, en ekki þegar kemur að tannheilsu um verslunarmannahelgi.

Eiginkonan hefur verið slæm alla helgina og heilsufarið farið versnandi.  Nú er svo komið að sterkustu verkjalyf gagnast ekki og verkir leiða um allt andlit.

Engin þjónusta eða neyðarnúmer var í boði hjá fjölda tannlækna sem búsettir eru á Selfossi og nágrannabyggðum.   Náðist í marga, en allir sögðust víðs fjarri og myndu mæta annaðhvort 5. eða 11. ágúst.

Þá var reynt við höfuðborgarsvæðið mikla en alveg sömu sögu var þar að segja.  Að vísu var gefið upp neyðarnúmer en enginn lét svo lítið að svara í þeim síma.   Þá benti einn Tannsi sem náðist í að hringja hiklaust í heimasíma hjá þeim sem hafði þennan síma um helgina.   Alveg sama.  Sama þulan í símsvarann og ekkert heyrðist frá viðkomandi, þó hann segðist myndi hafa samband um hæl.

Auðvitað er gott að fólk taki sér frí.  En veikindi fólks bera stundum uppá rauða daga, því miður.