Karið. Bíllinn

Ég heyrði sagt að Vestur Íslendingar í Kanada hefðu notað annað orð en við hér á Fróni þegar "sjálfrennireiðin" hóf innreið sína í hinn vestræna heim.Við bjuggum til nýyrði úr  "automobile".   Notuðum endinn  á þessu orði og bjuggum til "bíl".   Bíllinn festist  síðan í sessi.   Ekki slæmt orð i sjálfu sér og náttúrulega fyrir löngu   fastur hluti af tungumálinu líkt og mjólk er hluti af skyri.En landar okkar í Kanada töluðu um Karið.  Sem  hljómar  auðvitað nákvæmlega eins og enska orðið "car", en samt gamalt og rammíslenskt orð.  Kar hefði orðið skemmtilegt nafn á blikkbeljunni og sómt sér vel.En þetta er nú nokkuð seint í rassa gripið hvað þetta varðar.Skemmtilegasta nýyrði síðustu ára finnst mér gemsinn.  Sem datt eiginlega óvart inn í málið. Einnig gamalt og rammíslenskt, en fékk aðra merkingu. 

Athugasemdir

[Ragnar Geir Brynjólfsson, 27.1.2008 kl. 10:35]

"Hann keypti sér kar og gjörðist seilsmaður fyrir norðan" er setning sem ég man enn eftir úr viðtali sem Gunnlaugur B. Ólafsson bloggvinur minn tók við gamlan Vestur-Íslending og útvarpað var á RÚV fyrir mörgum árum. Meitluð setning og skemmtileg blanda af gömlu og nýju.