Svandís og Orkuveitan.

Athyglisvert viðtal var í einu helgarblaðanna við einn borgarfulltrúa Sjálfstæðisflokksins.

Þegar rykið sest kemur æ betur í ljós hvernig landið lá og liggur nú varðandi "hið geysilega grín" og REI málin.

Frá mínum sjónarhól voru málin þannig að Svandísi Svavarsdóttur og borgarfulltrúum Sjálfstæðisflokksins (að  vísu án Villa)  ofbauð , nánast í steríó á hinum fræga fundi.  Þá átti að þrykkja í gegnum borgarkerfið umdeildum samruna með þriggja tíma fyrirvara og vínveitingum.

Svandís gat auðvitað tjáð sig hægri vinstri við alla fjölmiðla og gerði það óspart. Henni fórst það vel úr hendi.  Hin áttu erfiðara um vik.  Þau klúðruðu síðan sínum málum stórt. Það er ljóst.

 En Svandís er samt  í vanda. Er fyrir einhverjum stýrihópi og virðist snúið að lenda málum um þessi orkumál.     Hún og vinstri grænir áttu og eiga  sennilega enn mun meiri samhljóm með meirihluta Sjálfstæðismanna í  þessu máli.