Flumbrugangur.

Steingrími J.   lá svo mikið á að "taka til" eftir hrunið  ,og traustið til "minna manna" réttlitaðra sem skipuðu samninganefndina í Icesave, var svo mikið að svo fór sem fór.      Ósköp einfaldlega lélegur samningur sem þenur þolrif allra landsmanna svo stórsér á .

Því miður féll þessi hörkuduglegi og flugmælski kjaftaskur úr Þistilfirði á þessu prófi.   Þrátt fyrir sína mörgu kosti er hann ekki nægilegur kjarkmaður á mínu viti.      Lafhræðslan í byrjun við hvalveiðar segir t.d. ýmislegt.   Útlendingar eru nú ekki með minna álit á okkur eftir það að nú er að baki mesta ferðmannaár  Íslandssögunnar.    Kannski var einhverju svakalegu hótað við Icesave samningana sem ekki má opinberast, en við værum glaðari ef málstað Íslendinga hefði verið haldið á lofti frekar en Breta og Hollendinga.

Ég endurtek að dugnaðurinn verður ekki frá honum tekinn og margt hefur tekist.

En það að skipa ekki þverpólitíska samninganefnd skipuð fagmönnum í upphafi er okkur dýrkeypt, svo ekki sé meira sagt.

 

 

Betra en að deyja úr þorsta

Athugasemdir

[Ursus, 15.1.2010 kl. 22:16]

Hvað gerðist merkilegt 15. janúar 1963?

[Jón Logi (IP-tala skráð) 15.1.2010 kl. 23:35]

Tja, Elvis var frægur, en Bítlarnir voru við það að skáka honum. Það var þó ekki fyrr en í mars sem að þeir sungu "please please me" sem kannski bræddi ísinn á Thames, sem merkilegt nokk, var það þykkur þann 15 að farið var að skauta á honum.

Spurningin hefði verið skemmtilegri sem "hvað gerðist merkilegt í Bretaveldi veturinn 1963".

[Halla Rut , 16.1.2010 kl. 00:41]

Einmitt, ég var búin að gleyma hvalveiðunum. Við áttum að sjá þá, að hingað til hefur hann bara verið gaggandi hæna sem kvartaði og kveinaði en nú þegar hann hefur tækifærið til að framkvæma allt sem hann taldi öðrum til lasta þá getur hann ekki neitt. ÖMURLEGT.

[P.Valdimar Guðjónsson, 16.1.2010 kl. 00:52]

Það átti að ljúka þessu máli með hraði til að laga annað.   Fleiri en við sjá nú að Íslendingar voru og eru beittir hótunum.  Þurfti virkilega að láta undan strax.?

Kannski verður það aldrei öðruvísi hjá örríki.     En bara lægri vextir á þessu öllu saman væri til bóta.

[Sigurður Haraldsson, 16.1.2010 kl. 09:19]

Vextir miðað við það sem bankar í Bretlandi og Hollandi eru að borga væru ásættanlegir!